Actividades

Actividades de Bico de Grao


Actividades Millo (comunitarias)

Actividades Millo (comunitarias)

Cursos e obradoiros para toda a comunidade e para formar comunidade (obradoiros de horta, de elaboración de pan, clases semanais de costura e reciclaxe de roupa…)

Actividades Noz (persoais)

Actividades Noz (persoais)

Actividades relacionadas con terapias alternativas e de desenvolvemento persoal (Ioga, Pilates, Consciencia corporal, etc.)

Actividades Castaña (culturais)

Actividades Castaña (culturais)

Presentacións, charlas, teatro, música…

Actividades Faba (redes)

Actividades Faba (redes)

Apoiar as redes existentes e crear outras novas fomentando espazos de encontro entre diversos sectores sociais (profesores e alumnos, produtores e consumidores, pais, nais, fillos, avós…). Xa temos formado un grupo de consumo e desenvolvemos actividades con diferentes colectivos da cidade na procura de intercambiar e enriquecernos mutuamente.

Grupos de consumo


Un grupo de consumo é, comunmente, un conxunto de consumidores que se agrupan para mercar directamente ao produtor alimentos ecolóxicos e de proximidade, evitando os intermediarios, establecendo relacións de confianza entre quen consome e quen produce e apoiando un tipo de relacións mercantís máis xustas e estables. Son autoxestionados e os membros do grupo son os que fan os traballos de xestión, compra, montaxe e distribución das cestas.

No caso de Bico de grao, todas as tarefas de xestión das cestas, dinamización do grupo, relación cos produtores así como o espazo físico para a recollida, poñémolo nós, traballo polo que levamos unha porcentaxe dun 20% do valor da cesta.

 

As nosas cestas


Trátase dunha cesta de produto ecolóxico, local, de tempada e fresco (fundamentalmente, verduras). As cestas son pechadas (decide Bico de Grao c@s produtor@s a composición da cesta semanal e non se pode modificar nada do que leve salvo algún problema de saúde). Hai dous tamaños a escoller, de 5€ e de 10€. Unha media de 70 unidades familiares compoñen o grupo de consumo. A recollida faise os mércores (a tenda está aberta en horario ininterrompido de 11 a 20.30hr) no local de Bico de Grao (Ronda das Fontiñas, 226).

Se queres darte de alta no grupo de consumo achégate a coñecernos ou escribe a [email protected]

Se estás interesad@ nas actividades date de alta no newsletter e recibirás información mensual.

Algunhas das nosas actividades...