Porcoteixo boneco de trapo Fixenöeu

Descripción

Fixenöeu é unha marca de confección téxtil de bonecos e accesorios feitos, principalmente, con material de refugallo.

Recuperamos todo tipo de prendas que xa non cumpren a súa función para pasar a formar parte de preciosos bonecos e deste xeito darlle outra oportunidade a aquilo que xa non era útil. Reducimos e empregamos de novo cosendo bonitas e orixinais pezas para tódolos gustos.

Inspirámonos na natureza e nos animais, pero tamén nos gusta crear seres imposibles.

Facemos deseños propios pero tamén coa posibilidade de fabricar aquel boneco ou peza coa que soñache. Ponte en contacto connosco e cóntanos.

Cada boneco e único. É moi difícil conseguir dous exactamente iguais xa que ao empregar material de refugallo non dispoñemos de grandes cantidades das mesmas teas.

Creamos todos os nosos artigos a man. Para cosméticos ou para o fogar, empregamos teas sen uso previo, do mesmo xeito cando fabricamos para bebés. Sempre vai indicado en cada produto. Cosemos en Galicia, o noso taller está en Lugo, empregamos materiais mercados, na medida do posible, de orixe local.